Kolonııalarǵa tyıym salynǵan zattardy qalaı alyp kiredi – ІІM jaýaby

ASTANA. KAZINFORM — Búgin Іshki ister mınıstrligi alańynda ótken baspasóz máslıhatynda «Tyıym salynǵan zattar bas bostandyǵynan aıyrý oryndaryna qalaı tap bolady?» degen saýal qoıyldy. Suraqqa atalǵan vedomstvonyń resmı ókili Shyńǵys Alekeshev jaýap berdi.

«Tyıym salynǵan zattar qorshaýlar arqyly tasymaldanady. Mundaı faktilerdi boldyrmaý maqsatynda mekemege irgeles jatqan aýmaqty patrýldeý turaqty túrde júrgiziledi, sondaı-aq sottalǵandarǵa sálemdemeler men banderolderdi berý kezinde alyp júrýdiń eń kúrdeli tásilderi qoldanylyp jatyr. Ádette, tyıym salynǵan zattar, tis pastalarynyń tútiginde, kremderde, dári-dármektiń qaptamalary men ydystarǵa jasyrylady», — dedi Shyńǵys Alekeshev.

Onyń aıtýynsha, konserviler men taǵamnyń ishine jasyryp kirgizetinder de bar eken.

«Biraq mundaı faktilerdi qylmystyq-atqarý júıesi qyzmetkerleri birden anyqtap, jolyn kesedi. Kolonııalarda zamanaýı beınebaqylaý júıeleri engizilgen, sonymen qatar qajet jaǵdaıda uıaly telefon baılanysyn buzý júıesi jumys isteıdi. Zattardy zańsyz alyp kirýdiń sebebi tez ara joıylady. Sonymen qatar qazir kolonııalarǵa uıaly baılanys quraldary men basqa da tehnıkalyq qurylǵylardy zańsyz berý nemese jetkizý úshin jaýapkershilikti qatańdatý máselesi pysyqtalyp jatyr. Bul norma tek sottalǵandarǵa ǵana emes, sonymen qatar mekeme aýmaǵyna tyıym salynǵan zattardy jetkizýge múmkindik bergen qyzmetkerlerge de qatysty bolady. Bul jerde jaýapkershilikti tejeýshi faktor retinde qataıtý josparlanýda», — deıdi ol.