Kolonııadaǵy jylyjaılarda qııar men qyzanaqtyń ónimi eki ese kóbeımek - SQO
PETROPAVL. QazAqparat - Soltústik Qazaqstan oblysy boıynsha qylmystyq-atqarý júıesi mekemelerinde kásipkerlerge jylyjaı bıznesin júzege asyrýǵa jáne bas bostandyǵynan aıyrý oryndaryndaǵy sottalǵandardy jumysqa ornalastyrýǵa múmkindik berilgen. Bul týraly QazAqparat óńirlik QAJ departamentiniń baspasóz qyzmetine silteme jasap habarlaıdy.
Qazirgi ýaqytta Soltústik Qazaqstan oblysy boıynsha QAJ mekemeleriniń aýmaǵynda 3 jylyjaı jumys isteıdi, onyń aýmaǵynda jyl boıy sańyraýqulaqtar, qyzanaq, qııar, bolgar buryshtaryn ósiriledi.
Máselen, áıelder mekemesinde aýdany 120 sharshy metr jylyjaıǵa arnalǵan ǵımaratty jergilikti jeke kásipker qalpyna keltirildi.
«2019 jyly 200 kg qııar men 100 kg qyzanaq jınap alyndy. Bıylǵy jyly ónimdi eki esege kóbeıtý josparlanyp otyr, sebebi karantın jaǵdaıynda jemis-kókónisterge degen suranys ósýde jáne biz osy qıyn ýaqytta óz úlesimizdi qosýǵa nıettimiz. Sondaı-aq, aǵymdaǵy jyly biz sańyraýqulaq otyrǵyzyp bastadyq. Alǵashqy ónimnen-aq sottalǵan áıelder 20 kg shampınon aldy, - deıdi kásipker Elena Shmagnova.
Sonymen qatar, sottalǵan er adamdar ustalatyn ortasha qaýipsiz mekemesinde 15 jyl boıy jasyl jelekti ósiretin jylyjaı jumys isteıdi, onda úsheýi jumysqa ornalastyrylǵan.
Jınalǵan ónim jergilikti dúkenderge satýǵa jiberiledi, sondaı-aq ashanalarǵa beriledi. Bul sottalǵandardyń tamaqtaný ratsıonyn ártúrlilikke, olardyń aǵzasyn dárýmendermen qamtamasyz etýge múmkindik týǵyzyp otyr.
Qazirgi ýaqytta SQO boıynsha QAJ mekemelerinde sottalǵandardy jumyspen qamtý 71% -dy quraıdy. Oblystyq QAJ departamenti jumysqa ornalasqandardyń sanyn barynsha ulǵaıtý úshin mekemelerde óz isin ashý úshin shaǵyn jáne orta bıznes ókilderin tartý, sol arqyly qalǵan sottalǵan adamdardy jumysqa ornalastyrý máselesin qarastyryp jatyr.
Óz kezeginde kolonııada tabys tabý sottalǵandarǵa talap-aryzdaryn tóleýge, qajetti zattardy satyp alýǵa, keıde týǵan-týysqandary men jaqyndaryna kómektesýge múmkindik beredi.
