Kolonııada otyrǵan ár balaǵa 3 tárbıeshiden bólý usynyldy
ASTANA. QazAqparat - Almatyda ornalasqan balalar kolonııasyn ortalyqsyzdandyrý qajet. Mundaı usynysty búgin Májiliste Qazaqstannyń Bala quqyqtary jónindegi ýákili retinde atqarǵan jumysy jaıynda baıandaǵan Zaǵıpa Balıeva aıtty, dep habarlaıdy QazAqparat tilshisi.
«Balalar prokýrory, sýdıalary, tergeýshileri jaıynda buǵan deıin aıttym. Biz Іshki ister mınıstrligi ókilderimen birge qazirgi ýaqytta kámelettik jasqa tolmaǵan 49 qylmysker otyrǵan Almatydaǵy balalar kolonııasyn ortalyqsyzdandyrýmen jumys istep jatyrmyz. Olardy bir orynǵa jınap, turaqty qylmystyq toptar qurýdyń qajeti joq. Olardy oblystar boıynsha ortalyqsyzdandyrý jáne ár balaǵa 3 tárbıeshiden bolýy qajet. Biz jazany óteýge ǵana emes, sonymen birge qaıta tárbıeleý úshin jaǵdaı jasaýǵa tıispiz», - dedi Zaǵıpa Balıeva.
Aıta keteıik, Qazaqstannyń Bala quqyqtary jónindegi ýákili elimizde balalar sýdıasy, prokýrory men tergeýshisi ınstıtýtyn engizý máselesi pysyqtalyp jatqanyn aıtqan edi.
«Balalar kodeksin ázirleýge kiristik. Bizde kámeletke tolmaǵandar isi jónindegi sottar bar. Bas prokýratýra, Joǵarǵy sot jáne Іshki ister mınıstrligimen birlesip, qazirgi ýaqytta balalar sýdıasy, balalar prokýrory jáne balalar tergeýshisi bolýy úshin jumys jasap jatyrmyz. Bul baǵdarlama árbir memlekettik organǵa qazirdiń ózinde jartylaı engizilgen. Qazir ony tek jaqsartyp, naqtylaý ústindemiz», - dedi Zaǵıpa Balıeva.
Foto: www.m24.ru
