Kolonııa qyzmetkeriniń jappaı koronavırýs juqtyrýy – mınıstrlik túsinikteme berdi

NUR-SULTAN. QazAqparat – QR Densaýlyq saqtaý vıtse-mınıstri Lıýdmıla Bıýrabekova Qostanaı oblysyndaǵy «Qara búrkit» kolonııasy (ÝK-161/3 mekemesi) qyzmetkerleriniń koronavırýs juqtyrýyna qatysty pikir bildirdi, dep habarlaıdy QazAqparat tilshisi.

«Osy kolonııanyń 19 qyzmetkerinen ınfektsııa anyqtaldy. Olardyń barlyǵy oqshaýlandy. Kolonııanyń janynda arnaıy ǵımarat bar, sol jerge provızorlyq oryndar jasaqtaldy», - dedi L. Bıýrabekova onlaın tártipte ótken baspasóz máslıhatynda.

Onyń sózine qaraǵanda, aýrý anyqtalǵan adamdar kolonııa aýmaǵyna kirmegen.

«Sottalǵandarmen baılanysta bolmaǵan. Eger de osyndaı jaǵdaı oryn alyp, sottalǵandarda indet anyqtalsa, onda olar emdeý hattamasyna sáıkes em-dom qabyldaıtyn bolady. Kolonııa ishinde provızorlyq oryndar daıyndalady», - dedi vıtse-mınıstr.

Budan buryn birqatar BAQ Qostanaı oblysynda «Qara búrkit» kolonııasynyń 19 qyzmetkeri koronavırýs juqtyrǵandyǵy habarlanǵan edi.