Qolóner sheberleriniń respýblıkalyq baıqaýynyń jeńimpazdary marapattalady
ASTANA. Maýsymnyń 15-i. QazAqparat /Rýslan Ǵabbasov/ - Maýsymnyń 18-inde Astana qalasyndaǵy QR Prezıdenttik mádenıet ortalyǵynda qolóner sheberleriniń «Sheber-2010» respýblıkalyq baıqaýynyń jeńimpazdaryn marapattaý saltanaty ótedi,
dep habarlaıdy QazAqparat.
Bul baıqaý Qazaqstanda osymen ekinshi ret ótkizilip otyr. Baıqaýdy ótkizýdegi maqsat - Qazaqstanda qolóner buıymdaryn jasaýdy damytý, eń talantty, bolashaǵy bar qolóner sheberlerin izdeý, sonymen qatar otandyq qolóner sheberleriniń jetistikteri men jasaǵan buıymdary jaıly qoǵamdy aqparattandyrý.
Іs-sharaǵa halyqaralyq uıymdardyń, elshilikter ókilderi, memlekettik jáne jeke qurylymdar, BAQ ókilderi qatysady.
Marapattaý barysynda qazaqstandyq modeler Dosanova Balhııa men sheber Janqutty Kúlánniń kıizden jasalǵan ulttyq úlgidegi kıimder kórsetilimi ótedi dep josparlanyp otyr. Sondaı-aq baıqaý aıasynda QR Prezıdenttik mádenıet ortalyǵynyń kórme zalynda sol kúni Kazaqstannyń barlyq aımaǵynan jınalǵan sheberlerdiń qolóner buıymdary qoıylǵan kórme-jármeńkesi ashylady. Atap aıtqanda, kórme-jármeńke 2010 jyldyń 20 maýsymyna deıin jalǵasady.
Baıqaýdy QR Mádenıet mınıstrliginiń qoldaýymen «Shevron» kompanııasy jáne Ortalyq Azııadaǵy Eýrazııa qorynyń bastamasy boıynsha «Our Neritage» qoǵamdyq qory «Qazaqstandaǵy kórkem qolóner kásibin jańǵyrtý jáne qolónerdi damytý» baǵdarlamasy aıasynda ótkizip otyr.
