Kolomına úshinshi júldesinen keıingi áserimen bólisti
SAPPORO. QazAqparat - Búgin Japonııanyń Sapporo qalasynda ótip jatqan VІІІ qysqy Azııa oıyndarynda shańǵyshy Elena Kolomına úshinshi júldesinen keıingi áserimen bólisti, dep habarlaıdy Sapporodaǵy QazAqparat tilshisi.
«Mine, búgin taǵy bir medalǵa qol jetkizdim. Bul - meniń el qorjynyna salǵan úshinshi júldem. Mende osyǵan deıin bir qola , bir kúmis alǵanmyn, alaıda maǵan keregi negizi altyn edi. Alaıda, birinshi oryn alǵan japondyq áriptesimnen sál ǵana qalyp qoıdym. Alda áli de jarystar bar. Altyn alýǵa tyrysamyn. Áli de qazaq eliniń týyn kóterý úshin barymdy salamyn», - dep atap ótti Elena Kolomına.
Esterińizge sala keteıik, bul saıysta birinshi oryndy Japonııa sportshysy, ekinshi oryndy Qazaqstan, úshinshi oryndy Qytaı sportshysy jeńip aldy.
Foto avtory: Іzturǵan Aldaýev
