Qolma-qol tólemderge shekteý tek zańdy tulǵalar úshin ǵana engiziletin bolady - A. Terentev
ALMATY. QazAqparat - «Tólemder men tólem júıeleri týraly» Qazaqstan Respýblıkasy Zańynyń jobasynda kózdeletin shekteý tek zańdy tulǵalarǵa ǵana qoldanylady, dep habarlady QR Ulttyq bankiniń baspasóz qyzmeti.
QR UB Qarjylyq qyzmetterdi tutynýshylardyń quqyqtaryn qorǵaý jáne syrtqy kommýnıkatsııalar basqarmasynyń bastyǵy Aleksandr Terentevtiń aıtýynsha, zańdy tulǵalardyń bıýdjetke salyqtyq jáne ózge de tólemderdi, sondaı-aq qolma-qol nysanda tólenýi múmkin erikti zeınetaqy jarnalaryn jáne áleýmettik aýdarymdardy tóleýdi qospaǵanda, zańdy tulǵalar bank shottaryn ashqan kezde ǵana tólemderdi jáne aqsha aýdarymdaryn júzege asyrý múmkindigi kózdeledi.
Bul norma sondaı-aq aqshany jylystatýǵa jáne terrorızmdi qarjylandyrýǵa qarsy is-qımyl jónindegi talaptarmen baılanysty jáne budan basqa, kóleńkeli ekonomıkamen jáne jalǵan kásipkerlikpen kúresti kúsheıtýge baǵyttalǵan.
Sonymen birge, Zań jobasynda zańdy tulǵalar arasynda tek qolma-qol aqshasyz nysanda ǵana 1000 AEK-ten astam mámile boıynsha tólemder júrgizýdi kózdeıtin «Aqsha tólemi men aýdarymy týraly» Qazaqstan Respýblıkasynyń Zańynan qoldanystaǵy norma saqtalǵan. Qoldanystaǵy zań jańa zań jobasy qabyldanǵannan keıin kúshin joıady.
Jeke tulǵalarǵa qatysty aıtatyn bolsaq, Zań jobasynyń nusqasy olarǵa qatysty qolma-qol aqshany paıdalanýǵa qandaı da bir shekteýler ne tólemderdi júzege asyrýdyń ózge tásilderin engizýdi kózdemeıdi. Jeke tulǵalar taýarlar men kórsetiletin qyzmetterdi satyp alýda qajettilikti qanaǵattandyrǵan kezde qolma-qol, sol sııaqty qolma-qol aqshasyz qarajatty tańdaýda jáne paıdalanýda erikti.
Eske sala ketsek, Úkimettiń Parlamentiniń qaraýyna engizgen bul Zań jobasynyń tanystyrylymy búgin, 7 sáýirde Májiliste ótti.
