Qolma-qol aqshasyz operatsııalardyń kólemi eki esege ulǵaıdy

NUR-SULTAN. QazAqparat – Saýda jáne ıntegratsııa mınıstri Baqyt Sultanov Qazaqstanda qolma-qol aqshasyz operatsııalardyń kólemi eki jarym esege ulǵaıǵanyn málim etti, dep habarlaıdy QazAqparat tilshisi.

«Karantın kezinde onlaın saýda men tólem operatsııalaryn júrgizýdiń ulǵaıýy baıqaldy. Ulttyq banktiń málimetterine sáıkes 2020 jylǵy 1 mamyrdaǵy jaǵdaı boıynsha eldegi qolma-qol aqshasyz operatsııalardyń kólemi 2,5 esege ulǵaıyp, shamamen 7,5 trln teńgeni quraǵan. Buryn qoıylǵan mindet 2025 jylǵa qaraı jalpy bólshek saýdadaǵy elektrondyq saýdanyń úlesin 10%-ke deıin jetkizý boldy. Alaıda karantınniń qazirgi jaǵdaıynda biz onlaın satyp alýlarda eleýli ósimdi baıqap otyrmyz, ol bizdi bıyldyń ózinde 2025 jyldyń maqsatty kórsetkishine jaqyndatyp jiberdi», - dedi Baqyt Sultanov Úkimet otyrysynda.

Mınıstr elektrondy saýdany damytý qarqynyn saqtaý jónindegi jumys jalǵasatynyn jetkizdi.

«Osylaısha biz Saýdany damytýdyń 2021-2025 memlekettik baǵdarlamasynda kórsetiletin 2025 jylǵa qaraı elektrondyq saýda úlesiniń nysanaly kórsetkishin 15%-ke deıin qaıta qaraýdy bastadyq», - dedi ol.