Qolma-qol aqshasyz tólemder úlesi 86-90 paıyz shamasynda bolady - Berik Sholpanqulov

ASTANA. KAZINFORM – QR Ulttyq banki tóraǵasynyń orynbasary Berik Sholpanqulov elimizdegi qolma-qol aqshasyz tólemder úlesine qatysty túsinik berdi.

- Qolma-qol aqshasyz tólemder úlesi óse beredi. Qazir bári qolma-qol aqshasyz, elektrondy aýdarymǵa kóship jatyr. Bul turǵyda onyń úlesi 86-90 paıyz shamasynda bolady dep oılaımyn, - dedi B. Sholpanqulov Senatta tilshiler suraǵyna jaýap bere otyryp.

Eske salsaq, jaqynda Qazaqstan Ulttyq banki «Ulttyq tsıfrlyq qarjy ınfraqurylymyn damytý týraly» (UTsQI) jyldyq esebin jarııalady.

Qazir eldiń barlyq tólem aınalymynyń 89,5 paıyzy Ulttyq bank júıeleri arqyly óńdeledi, al qolma-qol aqshasyz tólemderdiń úlesi 85,8 paıyzdan asady. Bul kórsetkish tsıfrlyq tehnologııalardyń qarjy salasyna enýiniń joǵary deńgeıin jáne eldiń zamanaýı sheshimderdi engizýge daıyndyǵyn kórsetedi.