Kollektorlyq agenttikter úshin kásibı standarttar engizilýi múmkin
NUR-SULTAN. QazAqparat – Kollektorlyq agenttikter úshin kásibı standarttar tetigin engizý qajet. Bul týraly Parlament Senatyndaǵy dóńgelek ústel otyrysynda Qazaqstan kollektorlary odaǵynyń tóraǵasy ıÝrıı Lı málim etti, dep habarlaıdy QazAqparat tilshisi.
Onyń sózine qaraǵanda, zańnamany talqylaý barysynda saladaǵy problemalardyń árbir tarmaǵy tyńǵylyqty pysyqtaldy.
«Biz QR Ulttyq bankiniń quzyrly ustanymyn jáne Parlament Senaty depýtattarynyń bedeldi ári kásibı kózqarasyn túsinemiz. Qazaqstanda qaryzdy sotqa deıingi tártipte qaıtarý boıynsha naryqta jumys tetigin retke keltirý úshin tıisti kúsh-jiger bolýy kerek. Osy oraıda kollektorlyq agenttikter úshin kásibı standarttar tetigin engizý, halyq tarapynan kelip túsetin shaǵymdardy jáne atalǵan sharalar monıtorıngin óńdeý qadamdaryn qamtý kerek», - dedi ıÝrıı Lı.
Osy oraıda, ol Qazaqstan kollektorlary odaǵy naryqta zańnamanyń oryndalýy úshin múddeli organdamen tyǵyz yntymaqtastyqta jumys isteýge daıyn ekendigin atap ótti.
«Jaqyn arada kollektorlyq agenttikter qyzmetine qatysty qarjylyq qyzmetter tutynýshylary ótinimderi úshin ınternet-portal iske qosylady. Bul óz kezeginde qaryz alýshylarmen sapaly baılanysty ornatýǵa, sondaı-aq shaǵymdar boıynsha anyqtalǵan zań buzýshylyqtarǵa jedel is-qımyl jasaýǵa múmkindik beriledi» , - dedi ıÝrıı Lı.
