Kollektorlarǵa qylmystyq jaýapkershilik engizilýi múmkin
ASTANA. QazAqparat – Elimizde kollektorlarǵa qylmystyq jaýapkershilikti qaıta engizý usynylyp otyr. Bul týraly Qarjy naryǵyn retteý jáne damytý agenttigi tóraǵasynyń orynbasary Nurlan Ábdirahmanov aıtty, dep habarlaıdy QazAqparat tilshisi.
«Sońǵy 2 jyldyń ishinde kollektorlyq uıymdardy qadaǵalaýǵa barynsha qatań qaradyq. Kollektorlyq naryqtyń 37 sýbektisiniń qyzmeti toqtatyldy. 2021 jyly zaemşıktermen ózara is-qımylda mindetti aýdıofıksatsııa bóliginde belgili bir shekteý engizilip, úshinshi tulǵalarmen – jumys berýshilermen, týǵan-týystarmen kollektorlardyń ózara is-qımylyna tyıym engizildi. ıAǵnı, munyń bári shekteldi. Degenmen, qosymsha shekteýler qajet dep sanaımyz. Sondyqtan kollektorlardyń ákimshilik jáne qylmystyq jaýapkershiligin kúsheıtý bóliginde zańnamalyq túzetýler toptamasy ázirlendi», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, buǵan deıin kollektorlardyń zańsyz áreýetteri úshin qylmystyq jaýapkershilik zańnamalyq turǵyda qarastyrylmaǵan. Buǵan qosa, ákimshilik jaýapkershilikti 2 esege deıin arttyrý da usynylyp otyr. Zań jobasy Májilis qaraýyna engizilgen.
