Kollektorlarǵa banktik qupııa málimetterdi berý usynyldy
NUR-SULTAN. QazAqparat – Kollektorlyq agenttikterge banktik qupııaǵa jatatyn málimetterdi berý usynysy jasaldy, dep habarlaıdy QazAqparat tilishisi.
Senatta ótken dóńgelek ústel otyrysynda Qazaqstan kollektorlary odaǵynyń tóraǵasy ıÝrıı Lı tıisti usynystar qarjy qyzmetteri tutynýshylarynyń quqyqtaryn qorǵaýǵa baǵyttalǵan usynymdarda qamtylǵanyn aıtty.
Qaryzdy óndirip alý jumysyn iske asyrý úshin kollektorlyq agenttikke banktik qupııaǵa nemese mıkronesıeni usyný qupııasyna jatatyn málimetti alý quqyǵyn berý usynysyna toqtalǵan ıÝ. Lı, «Bul óz kezeginde kollektorlarǵa boryshkerdiń qarjylyq jaǵdaıyn jan-jaqty baǵalaýǵa jáne qaryzdy sotqa deıin qaıtarý boıynsha jumysty tıisti deńgeıde atqarýǵa múmkindik beredi», - dedi.
Onyń atap ótýinshe, aldaǵy ýaqytta zańnamaǵa engiziletin ózgerister qarjy qyzmetteri tutyýshylaryn qorǵaýǵa baǵyttalǵan.
Budan buryn habarlanǵandaı, Qazaqstanda kollektorlardyń ókilettigi shektelmek.
Sonymen qatar, kollektorlyq agenttikter úshin kásibı standarttar tetigin engizilmek.
