Kollektorlardyń boryshkerdiń týystaryna qońyraý shalýy qanshalyqty zańdy

ASTANA. QazAqparat – Kollektorlyq kompanııalardan boryshkerdiń týystaryna qońyraý shalýy qanshalyqty zańdy? Osy saýal Qarjy naryǵyn retteý jáne damytý agenttigi tóraǵasynyń orynbasary Oljas Qızatovqa qoıyldy, dep habarlaıdy QazAqparat tilshisi.

Bizde kollektorlyq qyzmet týraly zańnama bar. Onda kollektorlyq agenttiktiń boryshkerge qońyraý shalý merzimi men ýaqyt aralyǵy kózdelgen. Kollektorlyq agenttik óz qyzmetin, onyń ishinde boryshkermen baılanysqa shyǵýyn zańnama normalaryn qatań saqtaı otyryp júzege asyrýy tıis. Munan bólek, zańnamada olardyń kimmen baılanysqa shyǵa alatyndyǵy jazylǵan. Eger olar zańnamany buzatyn bolsa, onda shaǵym jazý qajet. Biz mán-jaıdy anyqtaımyz

, - dedi Oljas Qızatov Ádilet mınıstrliginde ótken vedomstvoaralyq komıssııa otyrysynan keıin BAQ ókilderiniń saýalyna oraı.

Osy oraıda, BAQ ókilderi áleýmettik jelide kollektorlyq agenttikter boryshkerdiń týǵan-týystary týraly aqparattardy alyp, olardy mazalaıtyndyǵyna qatysty shaǵymdar kóp ekendigin alǵa tartty. Alaıda, agenttik ókili bul saýalǵa jaýap berýge qınaldy.

Agenttikke mundaı aqparat túsken joq. Degenmen, mundaı jaıt oryn alsa, onda adamdar shaǵym jazýy tıis. Biz ár jaǵdaıdy shaǵyn qarjy uıymdarymen, banktermen jáne kollektorlyq kompanııalarmen qarastyramyz

, - dedi ol.