Kollektorlar syıaqysy bereshektiń 50 paıyzynan aspaýy kerek - UB
ASTANA. QazAqparat - Kollektorlar syıaqysy boryshkerlerden qaıtarǵan bereshektiń 50 paıyzynan aspaýy kerek. Bul týraly búgin Májiliste «Kollektorlyq qyzmet týraly» zań jobasyn talqylaý barysynda Ulttyq bank tóraǵasynyń orynbasary Alpysbaı Ahmetov málim etti.
Talqylaý barysynda depýtat Baqytjan Ertaev kollektorlyq agenttikterdiń boryshkerlerden bereshekti óndirýden alatyn syıyqysy týraly suraǵan bolatyn.
«Qazirgi kúni bul másele quqyqtyq normalar arqyly eshqandaı da rettelmeı otyr. ıAǵnı, kollektorlyq agenttikterdiń syıaqysy belgisiz. Al biz usynyp otyrǵan ilespe zań jobasynda kollektorlyq kompanııalardyń tarıfteri, syıaqylary naqtylanady. Onda syıaqy alynatyn bereshek somasynyń 50 paıyzynan aspaýy tıis dep kórsetiledi», - dedi A. Ahmetov.
Onyń aıtýynsha, is júzine asqan qyzmetterdiń tólemin bankter nemese mıkroqarjy uıymdary óteıdi. «Kollektorlyq kompanııa qyzmetkerleri zaemshydan bir tıyn da alýǵa quqyly emes. ıAǵnı, kollektorlar tek bankpen nemese ózderine tapsyrys bergen mıkroqarjy uıymdarmen ǵana esep aıyrysady», - dedi UB ókili.
Aıta keterligi, Qazaqstanda halyqtan tólemder jınaý qyzmetimen aınalysatyn 205 kollektorlyq uıym tirkelgen. Alaıda, bank qaryzdary boıynsha tólemder jınaýmen aınalysatyn uıymdardyń mindetti túrde tirkelýi belgilenbegen. Sondyqtan da, bul qyzmetpen aınalysatyndardyń naqty sany belgisiz. Sonymen birge, memlekettik organdarda boryshkerlerdiń bereshegin óndirip alý qalaı júrgiziletini, olardyń konstıtýtsııalyq quqyqtary men bostandyqtary qalaı saqtalatyny týraly aqparat joq.
UB tóraǵa orynbasarynyń sózine qaraǵanda, qazirgi kúni bankterden kredıt alǵan, bershegi bar boryshkerlerdiń quqyqtary men múddeleri durys qorǵalmaı otyr. Sonyń saldarynan kollektorlyq agenttikter tarapynan zańsyz is-áreketter men asyra silteýshilik jaǵdaılary oryn alýda. «Bunymen qosa, halyqtyń qarjylyq saýatynyń tómen deńgeıi de áleýmettik shıelenisti kúsheıtip otyr», - deıdi UB ókili.
