Kolledjge túsý úshin ótinimdi Egov arqyly qalaı berýge bolady

NUR-SULTAN. QazAqparat – QR Bilim jáne ǵylym mınıstrliginiń bilimdi tsıfrlyq transformatsııalaý departamentiniń dırektory Qanat Kenbaı kolledjderge Egov arqyly qalaı ótinim berýge bolatynyn túsindirip berdi, dep habarlaıdy QazAqparat tilshisi.

«Bilim jáne ǵylym mınıstrligi bıyl Egov.kz portaly arqyly elektrondy formattaǵy qyzmetti iske qosty. Portalda «Bilim» aıdary bar. Oǵan enseńiz «Kolledjder» bólimin tańdaısyz. Artynsha, «Tehnıkalyq jáne kásiptik bilim úshin qujattardy qabyldaý» atty bólim shyǵady. Soǵan basý arqyly qosymsha qandaı qyzmetterdi alýǵa bolatynyn da kórýge bolady. Biz olardyń árin biriktirip, ońtaılandyrdyq», - dedi Qanat Kenbaı Bilim jáne ǵylym mınıstrliginiń onlaın konferentsııasynda.

Onyń aıtýynsha, búginge deıin 140 ótinim qabyldanyp ta qoıǵan.

«Bul júıe tirkelip, avtorızatsııalaý júıesinen ótýge múmkindik beredi. Osydan keıin júıe ótinim berýge múmkindik jasaıdy. Osydan keıin Egov ótinimdi bizge, ıaǵnı Bilim jáne ǵylym mınıstrligine joldaıdy. Bul – ótinimderdiń ortalyqtandyrylǵan qabyldaý júıesi. Qandaı ótinimderdiń túskenin mınıstrlik kórip otyrady», - dedi Qanat Kenbaı.