Kolledjge arnalǵan bilim berý baǵdarlamasy saraptamadan ótedi – QR BǴM
«Memleket basshysynyń tapsyrmasyna sáıkes kolledjderge akademııalyq derbestik berildi. Buryn biz túrli biliktilikter boıynsha oqytý merzimderin qatań rettep, belgilep keldik. Ortasha alǵanda 2 jyldan 4 jylǵa deıin. Búginde atalǵan norma «Bilim týraly» zańnan alynyp tastaldy. Sondaı-aq, endigi ýaqytta kolledjderdiń bilim berý baǵdarlamasy naqty ári oqytý nátıjesimen baılanysty bolady», - dedi Nasymjan Ospanova Ortalyq kommýnıkatsııalar qyzmeti alańynda ótken baspasóz máslıhatynda.
Mınıstrlik ókiliniń aıtýynsha, otandyq kolledjderge bilim berý júıesinde erkindik berilip otyr.
«Búginde kolledjder jumys berýshilermen birlesip, bilim berý baǵdarlamalarynyń mazmunyn, oqý merzimderin derbes aıqyndaı alady. ıAǵnnı mamandardy daıarlaýda eńbek naryǵynyń talaptaryn eskeredi. Sonymen qatar kolledjge arnalǵan bilim berý baǵdarlamalarynyń reestri jasaldy. Oǵan saraptamadan ótken sapaly bilim berý baǵdarlamalary ǵana enedi. Bıyl 4 myń bilim berý baǵdarlamasy saraptamadan ótedi», - deıdi departament basshysy.
Buǵan deıin QR BǴM tehnıkalyq jáne kásiptik bilim berý departamentiniń basshysy elimizde 18 kolledjdiń jabylǵanyn jetkizdi.
Sondaı-aq, N. Ospanova tehnıkalyq jáne kásiptik bilim berýge arnalǵan memlekettik tapsyrystyń artatynyn aıtty.
