Kolledjdiń býhgalteri men ekonomısi 10 mln teńgeni ózderine jalaqy retinde jazdyryp alǵan

ASTANA. QazAqparat - Qyzylorda oblysynyń memlekettik aýdıtorlary Qarmaqshy agrarlyq - tehnıkalyq kolledjinde asa iri kólemde qarjy jymqyrylǵanyn anyqtady, dep habarlaıdy QazAqparat QR Qarjy mınıstrliginiń saıtyna silteme jasap.

Júrgizilgen aýdıt barysynda, kolledjdiń bas býhgalteri men ekonomısi jeke shottaryna eńbek aqy retinde 10 mln 331 myń teńgeniń negizsiz aýdarǵany anyqtaldy. «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń qaýlysynyń talaptary óreskel buzylǵan.

Sondaı-aq, 2017 jyly bas býhgalter eńbek aqy, demalys jáne syıaqy retinde kózdelgen 1 mln 636 myń teńgeniń ornyna Halyq banktegi jeke karta shotyna 8 mln 052 myń teńge aýdarǵan, al ekonomıstke kózdelgen 1 mln 168 myń teńgeniń ornyna 3 mln 915 myń teńge aýdarylǵan.

Qazirgi ýaqytta, kolledjdiń qyzmetkerlerine eńbek demalysyn, demalys jáne tólemaqylarynyń zańdy aýdarylýyna aýdıt júrgizilýde.

Foto: bloomconsult.net