Kolledjderiniń úzdik 100 stýdenti anyqtaldy
ASTANA. KAZINFORM - Memleket basshysy Qasym-Jomart Toqaev jumysshy mamandyqtarynyń bedelin arttyrýǵa jáne tehnıkalyq jáne kásiptik bilim berý júıesin damytýǵa erekshe kóńil bólip keledi. Osy baǵyttaǵy jumystar aıasynda elimizde «Qazaqstan Respýblıkasy kolledjderiniń úzdik 100 stýdenti» respýblıkalyq konkýrsynyń qorytyndysy shyǵaryldy.
Baıqaý nátıjesinde kásibı sheberligimen, kóshbasshylyq qabiletimen jáne ınnovatsııalyq jobalarymen erekshelengen 100 stýdent úzdik dep tanyldy.
Konkýrsqa elimizdiń barlyq óńirinen 400 kolledjdiń 5 myńnan astam stýdenti ótinim berdi. Baıqaý úsh kezeńde, ıaǵnı kolledjishilik, óńirlik jáne respýblıkalyq deńgeıde ótti.
-Oqý-aǵartý mınıstrligi uıymdastyrǵan konkýrstyń basty maqsaty - talantty jastardy qoldaý, jumysshy mamandyqtarynyń bedelin arttyrý jáne kolledj stýdentteriniń jetistikterin nasıhattaý. Baıqaýdy ótkizý jumystaryn «Talap» KEAQ úılestirdi,-delingen habarlamada.
Jeńimpazdardyń tizimin myna jerden bilýge bolady.
