Kolledjderge arnalǵan granttar sany ósti

ASTANA. QazAqparat – Kolledjderde stýdentter úsh quzyrettilikti meńgerip shyǵady. Bul týraly Úkimet otyrysynda elimizdegi bilim berýdi damytýdyń 2026 jylǵa deıingi tujyrymdamasyn talqylaý kezinde Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Kolledjder máselesine toqtalsaq, Memleket basshysynyń tapsyrmasy boıynsha jastar tıisti mamandyqtar boıynsha 100 paıyz qamtylady. Bıyl granttar sany ósip, rekordtyq 128 myń oryndy qurady. Endi stýdentterge bir emes, úsh quzyrettilikke deıin alyp shyǵý múmkindigi berildi», - dedi A. Aımaǵambetov.

Onyń aıtýynsha, memlekettik tapsyrysty kásiporyndardyń ózderine, olardyń naqty ótinimderi boıynsha nysanaly túrde berý jalǵasady.

«Bıyldan bastap kolledjderge akademııalyq derbestik berildi. Bul qadam kadrlardy daıarlaý sapasyn arttyrýǵa tolyǵymen múmkindik berdi», - dedi mınıstr.

Budan buryn habarlanǵandaı, balabaqshalarda balalardy erte damytýdyń jańa modeli engizilip jatyr. Osy oraıda ondaǵy baǵdarlama da, oqytý ádisteri da túbegeıli ózgeredi.

Sonymen qatar, mektepterge arnalǵan jańa memlekettik standarttar men oqý baǵdarlamalary ázirlenip jatyr.

Búgin Úkimet otyrysynda bilim berýdi damytýdyń 2026 jylǵa deıingi tujyrymdamasynyń jobasy bekitildi.