Kolledjderdiń oqý baǵdarlamasynan qajetsiz pánderdi alyp tastaý qajet - vıtse-premer
ASTANA. QazAqparat - Kolledjderdiń oqý baǵdarlamasynan qajetsiz pánderdi alyp tastaý qajet. Bul týraly búgin «Kásiptik bilim jáne bıznes: áriptester suhbattastyǵy» atty 6-shy halyqaralyq forýmda QR Premer-Mınıstriniń orynbasary Berdibek Saparbaev aıtty.
Vıtse-premer óz sózinde dýaldy bilim berý júıesin jańǵyrtý jáne jetildirý maqsatynda Bilim jáne ǵylym mınıstrligi tehnıkalyq jáne kásiptik bilim berýdiń memlekettik standarttaryn ózgertýi kerektigin basa aıtty. Óıtkeni, atalǵan standarttarda óndiristik qaýipsizdik máselelerin oqytý jáne odan synaq tapsyrý qarastyrylmaǵan. Budan bólek mınıstr mamandyqqa sáıkes pánderge irikteý júrgizýi qajet.
«Máselen, eger adam dánekerleýshi nemese qurylysshy mamandyǵyn oqıtyn bolsa, onda oǵan 11 jyl boıy mektepte oqyǵan matematıka, tarıh, ádebıet pánderin qaıta oqýdyń qajeti qansha? Bul pánderdiń ornyna jumys barysynda jáne óz kásibin ıgerýge qajetti pánderdi kúsheıtý kerek. Sondyqtan da mınıstrlikke kelesi oqý jylynyń basyna deıin bul salalarǵa qajetsiz pánderdi qysqartý esebinen oqý baǵdarlamasyn qaıta qaraýdy tapsyramyn», - dedi B.Saparbaev.
