Kolledjderdiń bilim granty ıegerleriniń tizimi qashan jarııalanady
Oqý-aǵartý mınıstrliginiń Tehnıkalyq jáne kásiptik bilim departamentiniń basqarma basshysy Altaı Rahımberlın osylaı málim etti, dep habarlaıdy QazAqparat tilshisi.
«Búginnen bastap granttardyń qorytyndysy jarııalanýda. Qazirgi tańda merzimdi medıtsınalyq jáne shyǵarmashylyq mamandyqtar boıynsha granttardyń nátıjeleri belgili boldy», - dedi Altaı Rahımberlın.
Onyń aıtýynsha, talapkerler grant nátıjelerimen ǵalamtordan jáne kolledj saıttarynan bilýge bolatynyn aıtty.
«Jumysshy jáne orta býyn mamandyqtaryna beriletin granttardyń qorytyndysy 26-28 tamyz aralyǵynda belgili bolady. Jalpy, bıyl suranysqa ıe mamandyqtar boıynsha bizde arnaıy baıqaý uıymdastyrylady. Oǵan sáıkes, biz tanymal pedagogıkalyq, medıtsınalyq mamandyqtar boıynsha grantqa ótpegenderdi basqa salalarǵa baǵyttaımyz», - dep tolyqtyrdy Altaı Rahımberlın.
Sonymen qatar ol bıyl kolledjderge túsýge 180 myńnan astam talapker qujat tapsyrǵanyn málim etti.
