Kolledjderde oqytýda qandaı ózgeris bolady
NUR-SULTAN. QazAqparat – QR Bilim jáne ǵylym vıtse-mınıstri Bıbigúl Asylova tehnıkalyq jáne kásiptik bilimmen jastardy qamtýdy keńeıtý jumystary týraly aıtty, dep habarlaıdy QazAqparat tilshisi.
«Kelesi qadam tegin tehnıkalyq jáne kásiptik bilimmen jastardy qamtýǵa arnalǵan. 2017 jyldan beri osy joba iske asrylyp keledi. 300 myńǵa jýyq adam birinshi jumysshy mamandyǵyn tegin aldy», - dedi vıtse-mınıstr Májilistiń Áleýmettik-mádenı damý komıtetiniń keńeıtilgen otyrysynda.
Onyń aıtýynsha, jyl saıyn 9-synyp túlekteriniń 30 paıyzy jáne 11 synyp túlekteriniń 50 paıyzdan astamy aqyly bólimge oqýǵa túsedi.
«Jegilikti atqarýshy organdarmen birlese suranysqa ıe mamandyqtar boıynsha tegin tehnıkalyq jáne kásiptik bilimmen jastardy 100 paıyz qamtýǵa kezeń-kezeńmen ótýdi josparlap otyrmyz. Ol úshin 2025 jylǵa deıin memlekettik tapsyrys kólemin 20 myńnan 50 myń orynǵa deıin arttyrý eskerilgen. Jergilikti bıýdjetterdiń qarjylandyrýy kezinde birinshi kezekte 9-synyp túlekteriniń barlyǵyn kolledjderde aqysyz oqytý josparlanǵan», - dedi B. Asylova.
Budan buryn habarlanǵandaı, Bilim mınıstrligi kolledjderde mamandardy daıarlaýdyń problemalaryn atady.
