Kolledjderde qujat qabyldaý 25 maýsymda bastalady

Talapkerler qujattardy Egov.kz portaly arqyly nemese kolledjge baryp elektrondy túrde tapsyra alady.

Memlekettik bilim berý tapsyrysy tehnıkalyq mamandyqtar boıynsha ulǵaıtyldy.

Orta býyn mamandyqtary men qoldanbaly bakalavrıatqa túsýshiler úshin konkýrs mindetti jáne beıindik pánder boıynsha attestattyń ortasha baly negizinde ótkiziledi.

Jumysshy biliktiligin alýǵa nıetti túlekter kolledjderge áńgimelesý nátıjesi boıynsha qabyldanady.

Pedagogıkalyq mamandyqtarǵa túsýshiler úshin esse nemese dıktant, medıtsınalyq jáne shyǵarmashylyq mamandyqtarǵa túsýshiler úshin arnaıy jáne (nemese) shyǵarmashylyq emtıhandar ótkiziledi.

Qujattardy qabyldaý merzimderi:

Jumysshy biliktiligi boıynsha

- 25 maýsymnan 27 tamyzǵa deıin;

Orta býyn mamandyqtary boıynsha (9 jáne 11 synyp bazasynda)

- 25 maýsymnan 22 tamyzǵa deıin;

Shyǵarmashylyq mamandyqtar boıynsha

- 25 maýsymnan 20 shildege deıin;

Pedagogıkalyq mamandyqtar boıynsha

- 25 maýsymnan 10 tamyzǵa deıin (9 jáne 11 synyp bazasynda, sondaı-aq tehnıkalyq jáne kásiptik, orta bilimnen keıingi bilim bazasynda);

Medıtsınalyq mamandyqtar boıynsha

- 9 synyp bazasynda 25 maýsymnan 10 tamyzǵa deıin,

11 synyp jáne tehnıkalyq jáne kásiptik, orta bilimnen keıingi bilim bazasynda

- 25 maýsymnan 15 tamyzǵa deıin;

Keshki oqý nysany boıynsha

- 25 maýsymnan 20 qyrkúıekke deıin.

Oqý-aǵartý mınıstrligi málimetinshe, sondaı-aq kolledjderge qabyldaý kezinde Oqý-aǵartý mınıstriniń 2023 jylǵy 15 tamyzdaǵy №261 buıryǵyna sáıkes kvota qarastyrylǵan.

Buıryqtyń tolyq mátinimen «Ádilet» quqyqtyq aqparattyq júıesi arqyly tanysýǵa bolady:

Taǵy eki kolledj jańa oqý jylynan bastap sý salasyna mamandar daıarlaıtynyn jazǵan edik.