Kolledjderde 20 jańa mamandyq paıda bolady – Juldyz Súleımenova
ASTANA. KAZINFORM – Qazaqstannyń tehnıkalyq jáne kásiptik bilim berý júıesine suranysqa ıe jańa 20 jańa mamandyq engizildi. Bul týraly Oqý-aǵartý mınıstri Juldyz Súleımenova Úkimet otyrysynda málimdedi.
– Eńbek naryǵynda paıda bolǵan jańa qajettilikterge sáıkes, TjKB mamandyqtarynyń jikteýishine 20 jańa mamandyq engizildi. Osy baǵyttar boıynsha 243 bilim berý baǵdarlamasy ázirlengen, – dedi mınıstr.
Kolledj stýdentterine endi negizgi mamandyǵymen qatar qosymsha kásibı daǵdylardy meńgerýge múmkindik beretin mıkrobiliktilikter men Minor baǵdarlamalary da usynylady.
Jumysshy biliktilikteri boıynsha bilim berý baǵdarlamalaryna JI quraldaryn kásibı qyzmette qoldaný daǵdylary qamtylady.
– Bilim berý baǵdarlamalarynyń tizilimi Career Enbek Ulttyq biliktilik júıesi platformasymen ıntegratsııalandy. Bul baǵdarlamalardyń mazmunyn kásiptik standarttarmen baılanystyrýǵa múmkindik beredi, – dep tolyqtyrdy J. Súleımenova.
Sondaı-aq, 27 kolledjdiń baǵdarlamalary halyqaralyq salalyq talaptarǵa sáıkestigi boıynsha baǵalandy.
– 2027 jyldyń sońyna deıin taǵy 30 kolledjdi osyndaı baǵalaýdan ótkizý josparlanyp otyr. Bul ózgerister bilim berý baǵdarlamalaryn eńbek naryǵynyń suranysyna jáne halyqaralyq salalyq standarttarǵa sáıkestendirýge múmkindik beredi, – dedi Oqý-aǵartý mınıstri.
Aıta keteıik, búgin Úkimet otyrysynyń kún tártibine jumysshy mamandyqtary boıynda kadrlar daıyndaýdaǵy jańa tásilder taqyryby shyǵarylyp otyr.
Buǵan deıin J. Súleımenova Qazaqstan kolledjderinen 32 mamandyq alynyp tastalýy múmkin ekenin aıtqan edi.
