Kolledjder janynan ındýstrııalyq keńester qurylady - E. Sádýaqasova
ASTANA. QazAqparat - Qazaqstandaǵy álemdik deńgeıli kolledjder janynan ındýstrııalyq keńester qurylady. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Kásipqor» holdıngi» UAQ basqarma tóraıymy Eldana Sádýaqasova málim etti.
Eske salaıyq, brıfıng barysynda tehnıkalyq jáne kásibı dýaldyq oqytý máseleleri talqylanǵan bolatyn.
Holdıng basshysynyń aıtýynsha, kolledjderde dýaldyq oqytýdyń basty elementteriniń biri - ındýstrııalyq keńester. Bular árbir kolledj janynan qurylady.
«Indýstrııalyq keńestegi basshylyq jumys berýshiniń qolynda ári daýys berý quqyǵyna da sol tarap qana ıe bolady. Oqý mekemesi de, holdıng te bul keńeste daýys berý quqyǵyna ıe emes. Keńestiń mindeti -bilim berý úderisine tolyǵymen aýdıt júrgizip, jyl saıyn óziniń baǵasyn engizip otyrý bolmaq», - deıdi E. Sádýaqasova.
Holdıng tóraıymynyń aıtýynsha, osylaısha kolledjderdegi aýdıt eki túrli jolmen júzege asady. Onyń birinshisin jumys berýshi júrgizse, ekinshisi sheteldik áriptes-kolledjder tarapynan júrgiziledi.
«Jyl saıyn sheteldik áriptes kolledjder bilim sapasynan bastap, basqarý júıesine deıin qadaǵalaıdy», - deıdi ol.
