Kolledjdegi jarylys kýágeri bolǵan oqıǵa týraly shyn aqparatty aıtyp berdi - Almaty
ALMATY. QazAqparat - Almatydaǵy jarylystan aman qalǵan stýdenttermen kezdesýdiń sáti tústi. 15 jasar Aılına Djakýpbaeva sol bir úreıli sát týraly aıtyp berdi.
«Muǵalim qol granatasyn qolymyzǵa berip, ózi birdeńe jazyp otyrdy. Biraq, ol bul oqý granatasy dep aıtty. Sondyqtan, biz bárimiz aýdaryp-tóńkerip qaradyq. Bir kezde bir bala keldi de saqınasyn julyp aldy. Birinshi tars etken dybys shyqty. 3-4 sekýndtan keıin qatty jarylys boldy. Shamamyz kelgenimiz qasha jóneldik. Keıin esimnen tanyp qalyppyn. Kózimdi ashsam, dárigerler kómek kórsetip jatyr», - dedi ol.
Onyń aıtýynsha, jarylys kezinde klasta 17 oqýshy bolǵan. «Kishkene keýdem aýyryp tur. Bylaı densaýlyǵym jaman emes», - dedi Aılına.
«BAQ-taǵy jańalyqtardan kórsetkendeı, muǵalim eshqaıda qashpaǵan. Master ekeýi de sonda boldy. Sondyqtan, eshkimdi kinálamaımyz», - dedi onyń anasy Svetlana Djakýpbaeva.
Esterińizge sala keteıik, qarashanyń 17-inde Almatydaǵy kolledjde qol granatasynyń jarylýy oryn alǵan edi. Oqys oqıǵa saldarynan 1 qyz qaza bolyp, 12 bala aýrýhanaǵa tústi. Qazir olardyń 2-niń jaǵdaıy áli de aýyr.
