Kolledj túlekteriniń jumysqa ornalasýyna bilim salasy ǵana jaýapty bolmaýy tıis
ASTANA. QazAqparat - Kolledj túlekteriniń jumysqa ornalasýyna bilim salasy ǵana jaýapty bolmaýy tıis. Mundaı pikirdi búgin QR Parlamenti Májilisiniń depýttarymen kezdesýi barysynda Astana polıtehnıkalyq kolledjiniń dırektory Qasymhan Senǵazıev aıtty, dep habarlaıdy QazAqparat tilshisi.
«Kolledjderdegi pedagog mamandardyń turaqtanbaýyna eń aldymen jalaqy tómendigi sebep bolyp otyr. Qazirgi ýaqytta, ásirese, jalpy bilim berý pánderinde pedagogtardiń turaqsyzdyǵy baıqalady. Jalpy bilim beretin mektepterdiń muǵalimderine «Nazarbaev» Zııatkerlik mektepteriniń baǵdarlamasyn qoldanǵany, biliktiligin arttyrǵany úshin ústemaqy tólenedi. Al kolledjerde mundaı ústemaqy joq. Bul úlken problemanyń biri bolyp tur», - dedi ol.
Onyń aıtýynsha, ekinshi problema óndiris sheberligine oqytatyn muǵalimderdiń bilim berý pánderin qosa berýi bolyp otyr.
«Sońǵy jyldary óndiris sheberligin oqytatyn muǵalimderdiń óndiris oshaqtaryna ketýi baıqalady. Máselen, 10 jyldyq tájirıbesi bar mundaı muǵalim túrli salyqtardy alyp tastamaǵanda 69 myń teńge jalaqy alady. Al óndiristegi qarapaıym sheberdiń jalaqysy 150-200 myń teńgeni quraıdy. Al eger ol prorab bolsa, onda jalaqysy 250-300 myń teńgege jetedi. ıAǵnı olar óndiris oryndarynda bizge qaraǵanda 150-200 myń teńgege artyq jalaqy alady», - dedi kolledj basshysy.
Sonymen qatar ol dýaldy bilim berýdi damytý tek qana kolledjderge ǵana emes óndiriske de tikeleı baılanysty ekendigin, túlekterdi jumysqa ornalasýy da kúrdeli máselelerdiń biri ekendigin basa aıtty.
«Eńbek naryǵynda teńgerim joq. ıAǵnı, memlekettik tapsyrysty kózdi jumyp turyp bóledi. Bes jyldan keıin óndiriske kimniń qajet ekendigin saralamaıdy. Al tórt jyldan keıin túlek bitirip shyqqan kezde onyń mamandyǵy qajet bolmaı qalady. Sondyqtan kolledj túlekteriniń jumysqa ornalasýyn bilim berý salasyna ǵana ilip qoıýǵa bolmaıdy. Qazir túlektiń jumysqa ornalasýyna tek bilim berý orny ǵana jaýap beredi», - dedi ol.
