Kolledj stýdentterin kóligimen qaqqan aqtóbelikke qatysty qylmystyq is qozǵaldy
AQTÓBE. QazAqparat - Aqtóbede kóligimen bir top adamdy qaqqan jas jigitke qatysty qylmystyq is qozǵaldy, dep habarlaıdy QazAqparat tilshisi.
Buǵan deıin habarlaǵanymyzdaı, 20 jastaǵy jigit kámelet jasqa tolmaǵan bir top jasty qaǵyp, oqıǵa ornynan qashyp ketken bolatyn. Nátıjesinde Hromtaý taý-ken tehnıkalyq kolledjiniń stýdentteri men mektepaldy daıarlyq tobynyń oqýshysy aýrýhanaǵa tústi.
«Qylmystyq kodekstiń 345- baby 1-bóligi boıynsha is qozǵalyp, tergeý júrip jatyr. ıAǵnı, zań buzǵan azamat »Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý« baby boıynsha jaýap beredi», - dedi oblystyq PD baspasóz qyzmetiniń jetekshisi Erbolat Sarqulov.
Júrgizýshi qamaýǵa alynǵan joq.
