Kolledj stýdentteri jumys berýshilerge tolyq daıyn bolyp barady
ASTANA. QazAqparat - «Kásipqor holdıngi» UAQ málimetine qaraǵanda, Qazaqstanda ozyq deńgeıli jańa 6 tehnıkalyq kolledj qurylady. Osy arqyly elimizdiń tehnıkalyq jáne kásibı oqytý mekemelerine álemdik ozyq tájirıbeler engiziledi.
Holdıngtiń basqarma tóraıymy Eldana Sádýaqasovanyń sózine qaraǵanda, dýaldyq júıeni qurý barysynda holdıng úsh iri strategııalyq baǵytty júzege asyrmaq. Birinshisi jańa kolledjderdi qurýǵa negizdelgen. Qazirdiń ózinde Astana men Almaty qalalarynda álemdik deńgeıdegi eki kolledj salynyp jatyr. Budan bólek, 4 óńiraralyq ortalyqtar qurylady, onyń bireýi Atyraýda jumys istep te jatyr. Qalǵan úsh ortalyq Óskemen, Shymkent, Ekibastuzda salynyp jatyr. Sheteldik oqý mekemelerimen birlese otyryp, bulardaǵy oqý baǵdarlamalarynda múldem jańa qadam jasalady.
Jańa tájirıbelerdi zerdeleı otyryp, ondaı júıe qazaqstandyq kolledjderge engiziledi. Bul baǵytta oblys ortalyqtarynda ornalasqan alǵashqy on áriptes kolledjder aıqyndalǵan.
Osy on áriptes kolledjder arqyly keıinnen, jańadan salynatyn alty kolledjderge, sosyn barlyq tájirıbe tehnıkalyq jáne kásibı bilim salasyndaǵy 278 tehnıkalyq kolledjderge engiziletin bolady. Translıatsııa birneshe saty boıynsha júzege asady. Eń birinshi oqytýshylardyń kásibı quramyn jańartýdan bastalady.
Búgingi álem jańa tehnologııalyq qurylymǵa bet alyp barady, osynyń ózi tehnıkalyq jáne kásibı mamandar daıarlaý júıesinde ózgeristerdi talap etedi.
Atap aıtqanda, Qazaqstandaǵy dýaldyq bilim berý júıesinde jumys berýshiniń de, oqý mekemesiniń de jaýapkershiligi teńdeı bolady. Álemdik deńgeıdegi kolledjderdegi oqý praktıkalary, kolledj sheberhanalary tutastaı oqý úderisine bekitiledi. ıAǵnı, stýdent teorııalyq bilim alyp qana qoımaı, ony sheberhanalar men zerthanalardaǵy praktıkada ushtaıdy. Sosyn onda jınaqtalǵan tájirıbeniń barlyǵyn jumys berýshiniń óndirisinde tereńdetip, óz biliktiligin rastaıtyn bolady.
