Kolledj stýdentteri jańa tıptik baǵdarlama boıynsha oqıdy
2023 jyldyń 1 qyrkúıeginen bastap kolledjderde 6 baǵyt jáne 16 pán boıynsha jańa úlgilik oqý baǵdarlamalary engiziledi. Olardyń qatarynda pedagogıkalyq, áleýmettik-ekonomıkalyq, tehnıkalyq-tehnologııalyq, kórkemdik-tehnologııalyq, agrarlyq-tehnologııalyq, qoǵamdyq-gýmanıtarlyq baǵyttar bar.
Jańa úlgilik oqý baǵdarlamalarynda jumys berýshi talaptary men óńir erekshelikteri eskeriledi jáne saǵat sany men taqyryptardyń mazmunyn 25% deıin ózgertý kózdelgen.
«Jalpy bilim beretin pánderdiń oqý baǵdarlamalarynda bilim alýshylardyń yntasyn, qyzyǵýshylyǵyn arttyrýǵa múmkindik beretin beıindik baǵyt eskeriledi. Ol mamandyqqa qatysty kásibı-tanymdyq qyzyǵýshylyqtyń damýyna yqpal etedi. Mysaly, «kólem» taqyrybyn alatyn bolsaq, ony zertteý kezinde arnaıy pán muǵalimine sabaqty qozǵaltqyshy bar sheberhanada ótkizýge bolady. Pedagog onyń qalaı jumys isteıtinin sol jerde kórsetedi, odan keıin stýdenttermen birge qozǵaltqysh, janý kamerasy sekildi basqa da elementterdiń syzbasyn qarastyrady. Maman úshin bilim berýdiń bul ádisi óte mańyzdy, al olardy matematıkany úırený arqyly alýǵa bolady», - deıdi Tehnıkalyq jáne kásiptik bilim departamentiniń dırektory Ernat Júnisov.
Aıta keteıik, kolledjge túsetinderdiń 80% 9-synyp túlekteri. Olar birinshi jyly jalpy bilim beretin pánderdi oqıdy. Buryn kolledjder jalpy orta bilim berýdiń úlgilik oqý baǵdarlamalaryna negizdelse, endi pánder stýdentter tańdaǵan mamandyqqa baǵdarlanǵan praktıkalyq sabaqta oqytylady.
