Kolledj granttaryn taratý salasynda kúdik týǵyzatyn «sxemalar» bar

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi kolledj granttaryn ashyq taratýdy usynyp otyr, dep xabarlaıdy QazAqparat tilshisi.

Sybaılas jemqorlyqqa qarsy saıasat departamentiniń dırektory Danııar Sabyrbaevtyń aıtýynsha, búginde osy salada jyldar boıy qalyptasqan "sxemalar" bar. Ony oqý oryndarynyń basshylyǵy da, jergilikti bılik te ózgertkisi kelmeıdi.

«Negizi, kolledj granttaryn taratý boıynsha suraqtar kóp. Nege bir mamandyqqa grant az beriledi de, suranysy tómen mamandyqtarǵa, kerisinshe, kóp bólinedi? Mysaly, baılanysshy, radıst sııaqty mamandyqtarǵa biraz granttar beriledi. Al qonaq úı bıznesi boıynsha tym az. Sosyn kolledjder testterdi ózderi daıyndaıdy, ózderi ótkizedi, úmitkerlermen de ózderi jeke kezdesedi. Sóıtip, granttardy da óz betinshe taratady. Bylaısha aıtqanda, grant kolledjge tústi me, boldy. Ony qalaı jáne kimge berip jatyr? Ol jaǵyn eshkim bilmeıdi», - dedi D.Sabyrbaev.
 

Onyń aıtýynsha, agenttik mamandary osy jumysqa aralasamyz degen kezde kolledj basshylyǵy, tipti jergilikti organdary qarsylyq bildiredi.

«Iá, ol «sxemalar» jyldar boıy qalyptasty. Adamdar oǵan ábden úırenip aldy. Sol sebepti barlyq jumysty ashyq kórsetkisi kelmeıdi», - dep atap kórsetti D.Sabyrbaev.