Kolledj granttaryn bólýde eńbek naryǵy eskerilmeı otyr - Talǵat Nárikbaev
QR Sybaılas jemqorlyqqa qarsy is-qımyl agenttiginde ótken semınar barysynda Talǵat Nárikbaev kásibı-tehnıkalyq bilim berý boıynsha memlekettik tapsyrys qalaı júzege asyp jatqanyna toqtaldy.
«Munda da ózekti problemalar bar. Ásirese, osy maqsatqa bólinetin jergilikti bıýdjettiń tıimdi ıgerilýine nazar aýdarý qajet. Qarjy mamandar tapshylyǵy men óńir ekonomıkasynyń qajettiligine qaraı bólinip, ıgerilmeıtini belgili bolyp otyr. Qarajatty kóz jumyp bóledi deýge bolady. Eńbek naryǵyna taldaý júrgizip, boljam jasaý joq ekeni áshkere boldy. Bul tipti keshendi másele deýge bolady. Buǵan jergilikti ákimdikter ǵana emes, QR Eńbek jáne halyqty áleýmettik qorǵaý mınıstrligi de jaýapty. Nur-Sultan qalasynyń bilim basqarmasynyń deregi boıynsha, 2019 jyly kásibı-tehnıkalyq bilim berý uıymdaryna maman daıarlaý úshin 6 mlrd 198 mln 900 myń teńge bólingen. Jańa ǵana magıstratýraǵa 13 myń grant bólingeni aıtyldy. Onyń jalpy somasy 3,5-4 mlrd teńge shamasynda. Al kásibı-tehnıkalyq bilim berýge birNur-Sultan qalasynyń ózine ǵana 6 mlrd teńgeden astam qarajat jumsalǵan. Bul jyl saıyn qaıtalanyp keledi jáne barlyq óńirlerge tán jaǵdaı», - degen Talǵat Nárikbaev kásibı-tehnıkalyq bilim berý uıymdaryna melekettik tapsyrys berý protsesinde kúrdeli jemqorlyq táýekelderi bar ekenin atady.
«Nur-Sultan qalasynda bul baǵyttaǵy memlekettik tapsyrysty 24 uıym qabyldaıdy. Sonyń 19-y ǵana oqýǵa qabyldaý erejesin usynǵan. Ol erejelerdi taldaı kele, QR Bilim jáne ǵylym mınıstriniń 2018 jylǵy buıryǵyndaǵy tıptik erejeni kóshire salǵanyn kórdik. ıAǵnı, ol erejeden úmitker eshqandaı qajetti aqparat almaıdy degen sóz. Kolledj veb-saıttarynda da synaq test pen áńgimelesý kezinde qandaı baǵyttaǵy suraqtar qoıylatyny týraly mardymdy aqparat joq. ıAǵnı, kolledjge túskisi kelgender qandaı suraq qoıylatynan beıhabar bolyp barýǵa májbúr. Bul óz kezeginde jemqorlyq táýekelin arttyrady. Tipti kolledjderdiń ákimshiligi bul protseste jemqorlyq táýekelin ádeıi arttyryp otyrǵandaı áser týyndaıdy. Sondyqtan, bul máselege de QR Sybaılas jemqorlyqqa qarsy is-qımyl agenttigi nazar aýdarý kerek sııaqty», - dedi ol.