Kóliktik oqıǵalar men oqys oqıǵalaryn tergep-tekserý ortalyǵynyń tóraǵasy taǵaıyndaldy
ASTANA. KAZINFORM – Kólik mınıstriniń buıryǵymen «Kóliktik oqıǵalar men oqys oqıǵalaryn tergep-tekserý ortalyǵy» aktsıonerlik qoǵamynyń basqarma tóraǵasy bolyp Darhan Qatyshev taǵaıyndaldy.
Darhan Qatyshev Qazaqstan Respýblıkasynyń Azamattyq avıatsııa akademııasyn «Avıatsııalyq tehnıka jáne tehnologııalar» mamandyǵy boıynsha bitirgen.
2008–2009 jyldary Qazaqstan Respýblıkasy Kólik jáne kommýnıkatsııalar mınıstrliginde ártúrli laýazymdarda jumys istedi.
2009–2019 jyldary Qazaqstan Respýblıkasy Indýstrııa jáne ınfraqurylymdyq damý mınıstrliginiń Azamattyq avıatsııa komıtetinde avıatsııalyq qaýipsizdik basqarmasynyń basshysy boldy.
2019–2023 jyldary «Qazaqstannyń avıatsııalyq ákimshiligi» AQ avıatsııalyq qaýipsizdik departamentiniń dırektory qyzmetin atqardy.
2023–2024 jyldary Qazaqstan Respýblıkasy Kólik mınıstrliginiń Kóliktegi oqıǵalar men ıntsıdentterdi tergeý departamentiniń dırektory boldy.
2024 jyldan bastap qazirgi ýaqytqa deıin Qazaqstan Respýblıkasy Kólik mınıstrligi Azamattyq avıatsııa komıteti tóraǵasynyń orynbasary bolyp jumys istedi.
Azamattyq avıatsııa salasynda mol tajirıbesi bar. Halyqaralyq azamattyq avıatsııa uıymynyń (IKAO) avıatsııalyq qaýipsizdik máseleleri boıynsha ulttyq úılestirýshisi bolyp tabylady.
Qazaqstan Respýblıkasy Prezıdentiniń janyndaǵy Memlekettik basqarý akademııasynyń túlegi, doktor ǵylymı dárejesi bar.
Aıta ketelik Qanat Ysqaqov Mádenıet jáne aqparat birinshi vıtse-mınıstri bolyp taǵaıyndalǵan edi.