Kóliktik baqylaý ınspektsııasy qyzmetkerleri kásipkerlerden aqsha bopsalap kelgen
Elimizdiń bes qalasynda Kóliktik baqylaý ınspektsııasy qyzmetkerleri sybaılas jemqorlyq kúdigine ilindi, dep habarlaıdy Kazinform Ulttyq qaýipsizdik komıtetine silteme jasap.
2023 jylǵy 21 qarashada Ulttyq qaýipsizdik komıteti Bas prokýratýranyń úılestirýimen Astana, Shymkent qalalarynda, sondaı-aq Aqtóbe, Qaraǵandy jáne Qyzylorda oblystarynda jedel-tergeý sharalarynyń sheńberinde Kólik mınıstrligi Kóliktik baqylaý ınspektsııasynyń birqatar jumysshysyn ustady.
Olar salmaqtyq jáne gabarıttik parametrlerin buzǵan avtokólikterdi bógetsiz ótkizýge kásipkerlerden aqshalaı qarajatty júıeli túrde bopsalaǵany úshin kúdikke ilindi.
Qazir Qylmystyq kodekstiń 366-baby boıynsha sotqa deıingi tergep-tekserý júrgizilip jatyr.
Qylmystyq-protsestik kodekstiń 201-baby 1-bóligine sáıkes ózge aqparattar jarııalanýǵa jatpaıdy.
