Kólikti jasóspirim basqarǵan: Almaty oblysynda jol apatynan 2 adam kóz jumdy

QONAEV. KAZINFORM — Almaty oblysy Jalpaqsaı aýylynda jol-kólik oqıǵasy boldy. 

Áleýmettik jelide oqıǵa ornynan beınejazba jarııalandy. Ondaǵy málimetke sáıkes, eki kóliktiń birin 13 jastaǵy jasóspirim basqarǵan. Jasóspirim jol apatynan keıin emhanaǵa jetkizildi.

Oblystyq polıtsııa departamentiniń málimetinshe, jol-kólik oqıǵasy 13 qazanǵa qaraǵan túni Qarasaı aýdanynyń Jalpaqsaı aýylynda boldy. Polıtsııa bul derek boıynsha qylmystyq is qozǵady.

— Shamamen saǵat 00:30–da «VAZ» jáne «Hyundai Grandeur» markaly avtokólikteri soqtyǵysty. Aldyn ala anyqtalǵandaı, «VAZ» avtokóliginiń júrgizýshisi qosalqy joldan negizgi jolǵa shyqqan kezde basty jolmen kele jatqan kólikke jol bermegen. Jol apatynyń saldarynan «VAZ» avtokóliginiń júrgizýshisi men jolaýshysy alǵan jaraqattarynan oqıǵa ornynda kóz jumdy. Ekinshi kólik júrgizýshisi túrli jaraqattarmen aýdandyq aýrýhanaǵa jetkizildi, — dep habarlady polıtsııadan.

Eske salaıyq, buǵan deıin Almaty oblysynda jantúrshigerlik jol apatynan 8 adam mert boldy.