Kólikti úı aýlasynda jýý ne sebepti qaýipti
ASTANA. KAZINFORM — Kólikti óz aýlasynda nemese ózen jaǵasynda jýyp alý — eshteńe etpeıdi, azdaǵan sý men sýsabyn tabıǵatqa zııan tıgizbeıdi dep esepteledi. Bul — qaýipti mıf, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Qarapaıym kólik jýýdyń ózi qorshaǵan ortaǵa orasan zor zııan keltiredi.
— Munaı ónimderi men hımııa. Kólik shanaǵynda asfalttan jınalǵan maılar, janar-jaǵarmaı qaldyqtary, aýyr metaldar jáne ýly avtohımııa qalady. Munyń bári jýylǵan kezde eshqandaı súzgisiz tikeleı topyraqqa nemese sý qoımasyna túsedi, — deıdi mamandar.
Sonymen qatar bundaı áreketten keıin topyraq pen sý lastanýy múmkin.
— Hımıkattar topyraqtyń qurylymyn buzyp, paıdaly mıkroorganızmderdi joıady, al sý aıdyndaryna túsken jaǵdaıda sý astyndaǵy tirshilikke tunshyqtyrýshy áser etedi, — dep túsindirdi olar.
Vedomstvo atap ótkendeı, kólikti tek arnaıy avtojýý oryndarynda (moıkalarda) tazalaý kerek, óıtkeni olarda aǵyndy sýlardy tazartý júıeleri qarastyrylǵan.
Buǵan deıin qoqysqa tastalǵan dáriler tabıǵatqa qalaı áser etetinin jazǵanbyz.
