Kólikti qysta qyzdyrýǵa qoıylatyn talap joıyla ma - ІІM jaýaby
ASTANA. KAZINFORM – Búgin Májilistiń jalpy otyrysynda depýtat Dmıtrıı Koloda qysqy ýaqytta kólikti 5 mınýttan arttyq qyzdyrmaý talabyn jeńildetýdi usyndy.
Keıbir zańnamalyq aktilerge jol qaýipsizdigin tsıfrlandyrý jáne júrgizýshilerdi daıarlaý salasyndaǵy kásipkerlik qyzmet máseleleri boıynsha ózgerister men tolyqtyrýlar engizý kózdelgen zań jobasyn talqylaý barysynda depýtat Іshki ister mınıstrligine atalǵan máselege qatysty saýal joldady.
- Bir jyl buryn qoǵamda kólikti qyzdyrǵany úshin aıyppul salý normasy qyzý talqyǵa tústi. Al myna zań jobasynda biz qysqy ýaqytta eldi mekenderde kólikti qyzdyrýǵa tyıymdy tolyq alyp tastaýdy usyndyq. Bul rette tıisti belgimen belgilengen turǵyn aımaqtarda tyıym saqtalady. Siz bul usynysqa qalaı qaraısyz, - dep surady depýtat.
Saýalǵa jaýap bergen Іshki ister mınıstriniń orynbasary Sanjar Ádilov vedomstvo atalǵan bastamany qoldaıtyndyǵyn málimdedi.
Aıta keteıik, «Qazaqstan Respýblıkasynyń keıbir zańnamalyq aktilerine jol qaýipsizdigin tsıfrlandyrý jáne júrgizýshilerdi daıarlaý salasyndaǵy kásipkerlik qyzmet máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
