Kólikti gazǵa aýystyrý sharalaryna shekteý qoıylýy múmkin
Energetıka mınıstri Almasadam Sátqalıev kólikti gazǵa aýystyrýmen aınalysatyn áýesqoılardyń jumysyna shekteý qoıylýy múmkin ekenin aıtty, dep habarlaıdy Kazinform.
«Suıytylǵan munaı gazy suıytylǵan kómirsýtek gazyna jatatyn bilesizder. Bul adam úshin qaýipsizdigi 4-klasqa jatatyn qosylys degen sóz. Aýamen aralasqan kezde jarylyp, órt týyndatatyn zattyń biri bolyp esepteledi. ıAǵnı, osy ónimdi qoldanýshylarǵa muny da eskerý kerek. Biz birqatar shara qabyldaýdy josparlap otyrmyz. Qazirdiń ózinde suıytylǵan munaı gazynyń eksportyna tyıym saldyq. Qazir kólik ıelerine mashınasyn gazǵa aýystyrmaýǵa keńes beremiz dep aıtyp júrmiz. Keıin osyndaı áýesqoı tásilmen kólikti gazǵa aýystyrý amaldaryn tolyq tyıym salýǵa deıin baratyn shekteý sharalaryn qabyldaýymyz múmkin», - dedi vedomstvo basshysy.
Sondaı-aq mınıstr suıytylǵan gazdy janarmaı retinde paıdalanǵannan da munaı-hımııa óndirisinde shıkizat retinde qoldaný áldeqaıda tıimdi ekenin eske saldy.
