Kólikke gaz balonyn ornatýǵa tyıym salyna ma – Energetıka mınıstrliginiń jaýaby

Elimizde kólikterdi gaz balonymen jabdyqtaýmen aınalysatyn kompanııalarǵa lıtsenzııa alý mindetti bolýy yqtımal. Bul týraly Energetıka vıtse-mınıstri Álibek Jamaýov aıtty dep habarlaıdy Kazinform.

«Qazirgi tańda kólikke gaz balonnyn ornatýǵa tyıym joq. Kez kelgen adam kóligine ornata alady. Búginde kólikti gazǵa aýystyrýǵa shekteý qoıý ne qadaǵalaý máselesin oılastyryp jatyrmyz. 100 paıyz shekteý bolmaıdy. Biraq, gaz jabdyqtarynyń qaıdan kelgeni, sapasy, qaı jerde ornatylǵany tekseriledi. Qazirgi ýaqytta gaz balonyn ornatatyn kompanııalardyń lıtsenzııasy múldem joq. Múmkin, lıtsenzııalyq qyzmet jasaıtyn shyǵarmyz. Sony oılastyryp jatyrmyz», - dedi vıtse-mınıstr BAQ ókilderine arnalǵan brıfıngte.

Onyń atap ótýinshe, kólikke gaz balonyn kez kelgen garajda ornatqyzýǵa bolady. Biraq bul óte qaýipti.

«Biz resmı saýal joldadyq. Іshki ister mınıstrliginiń resmı deregine sáıkes, sońǵy jylda ǵana 300 myńnan astam avtomobıl suıytylǵan munaı gazyna kóshirildi. ıAǵnı, osynsha kólik gaz balonymen jabdyqtaldy», - dedi Álibek Jamaýov.