Qolqany qapqan sasyq ıis: Qonaev turǵyny ákimge shaǵymdandy
QONAEV. KAZINFORM — Qala mańyndaǵy káriz-tazartý júıesi 100 paıyz tozǵan. Nysandy jańartý memlekettik-jekemenshik áriptestik negizinde júzege asady. Bul týraly shahar basshysy Ashat Berdihanov turǵyndarmen kezdesý barysynda málim etti.
Kezdesý kezinde qala turǵyny ákimge keshki ýaqytta № 4-shaǵynaýdanynda shyǵatyn sasyq ıiske shaǵymdandy.
— Qala mańyndaǵy káriz-tazartý júıesi 100% tozǵan. Nysandy jańartý memlekettik-jekemenshik áriptestik negizinde júzege asady. Qajetti qujattar rásimdelip jatyr. Joba boıynsha nysandy 18 shaqyrymǵa Qazaqstan aýylyna qaraı jyljytý kózdelip otyr. Joba quny 38 mlrd teńge, — dedi Ashat Berdihanov.
Sonymen qatar ol nysannyń qurylysy 2 jylda aıaqtalatynyn tilge tıek etti.
— Aldaǵy ýaqytta máslıhat otyrysy, jaýapty salalyq mekemelerden kelisim alý sekildi josparly is-sharalar ótedi. Qazirgi jaǵdaı osy, túsinistikpen qaraý qajet, — dedi ákim.
Budan bólek, jıynda gaz tartý, qoqys konteınerlerin ornatý, avtoturaq, aýlalardy kógaldandyrý boıynsha máseleler kóterildi.
Osyǵan deıin Qonaev qalasynyń ákimdigi bir jylda shahar halqynyń sany 8,2%-ǵa azaıyp, 65 900 turǵyn bolǵany týraly málimetke baılanysty málimdeme jasaǵan bolatyn.