Kólik jýý oryndary úshin sý tarıfi eselep kóterilýi múmkin
ASTANA. KAZINORM – Kólik jýý oryndary úshin sý tarıfi eselep kóterilýi múmkin. Bul týraly Úkimet otyrysynan keıingi brıfıngte Sý resýrstary jáne ırrıgatsııa mınıstri Nurjan Nurjigitov aıtty.
«Qazaqstanda jalpy sý resýrstary kóleminiń ne bári 1,3 paıyzy ǵana aýyz sýǵa paıdalanylady. ıAǵnı, bul 1,3 sharshy shaqyrym sý degen sóz. Saraptama jasaǵan kezimizde shamamen 200 mln sharshy shaqyrym sýdy tehnıkalyq qyzmet kórsetý stansalarynyń avtokólikterdi jýýǵa shyǵyndaıtyndyǵyn anyqtadyq», - dedi mınıstr BAQ ókilderiniń saýalyna oraı.
Onyń atap ótýinshe, aýyz sýdy basqa qajettilikke paıdalanatyndarǵa tarıf kóteriletin bolady.
«Qazirgi ýaqytta biz Sý kodeksinde qandaı da bir aralyq norma qarastyrǵymyz keledi. Ázirshe naqtylaǵan joqpyz, talqylap jatyrmyz. Tehnıkalyq qyzmet kórsetý stansalarynda aýyz sýdy paıdalanatyn kásipkerler belgili bir ýaqyt aralyǵynda avtomobıl jýýǵa qoldanǵan sýdy tazalaıtyn jabdyq ornatýy tıis. ıAǵnı, sýdy qaıtadan paıdalanýy qajet. Ekinshi másele – tarıf boıynsha sheshemiz. Demek, aýyz sýdy basqa qajettilikke paıdalanatyndarǵa tarıf áldeqaıda joǵary bolady», - dedi Nurjan Nurjigitov.
