Kólik júrgizýshileri qaı aqyly jolmen kóp sapar shegetini belgili boldy
ASTANA. KAZINFORM — 2025 jyly Qazaqstannyń aqyly avtojoldarynda 74 mln-ǵa jýyq sapar tirkeldi. Onyń ishinde Almaty-Qonaev jáne Ózbekstan shekarasyna shyǵatyn ońtústik dáliz kósh bastap tur.
QazAvtoJol málimetinshe, qazir el aýmaǵynda jalpy uzyndyǵy 4 883 shaqyrym 26 aqyly ýchaske jumys isteıdi. Atalǵan jeliniń quramynda I tehnıkalyq sanattaǵy 12 ýchaske (2 231 shaqyrym) jáne II-III tehnıkalyq sanattardaǵy 14 ýchaske (2 652 shaqyrym) bar.
Jol qozǵalysynyń qurylymy kólik aǵynynyń iri aglomeratsııalar mańyna jáne negizgi tranzıttik baǵyttarǵa shoǵyrlanǵanyn kórsetedi. Eń joǵary júktemesi bar alǵashqy bes ýchaske barlyq sapardyń 51 paıyzyn, al alǵashqy on ýchaske shamamen 73 paıyzyn qamtamasyz etken.
Saparlar sany boıynsha eń joǵary kórsetkish Almaty-Qonaev baǵytyna (11,8 mln) jáne Shymkent torabynyń ońtústik baǵyttaryna, sonyń ishinde Ózbekstan Respýblıkasynyń memlekettik shekarasyna shyǵatyn ýchaskege (9,3 mln) tıesili.
Tómende 2025 jylǵy sapar sany boıynsha kemý retimen berilgen aqyly ýchaskeler tizimi usynylady.
Aqyly ýchaskelerdiń reıtingi (2025)
1. Almaty-Qonaev - 11,8 mln
2. Shymkent-Ózbekstan shekarasy - 9,3 mln
3. Shymkent-Taraz - 6,5 mln
4. Taraz-Qaınar - 5,4 mln
5. Shymkent-Qyzylorda - 4,8 mln
6. Astana-Temirtaý - 4,4 mln
7. Qonaev-Taldyqorǵan - 3,9 mln
8. Astana-Şýchınsk - 3,7 mln
9. Şýchınsk-Kókshetaý - 3,2 mln
10. Astana-Pavlodar - 2,5 mln
11. Almaty-Qorǵas - 2,5 mln
12. Qostanaı-Denısovka - 1,9 mln
13. Taraz qalasynyń aınalma joly (Qaınar-Shymkent) - 1,9 mln
14. Qyzylorda-Aral - 1,8 mln
15. Kókshetaý-Petropavl - 1,7 mln
16. Balqash-Býrylbaıtal - 1,4 mln
17. Pavlodar-Semeı-Qalbataý - 1,3 mln
18. Aqtóbe-Reseı Federatsııasynyń shekarasy (Orynborǵa) - 1,3 mln
19. Pavlodar-Reseı Federatsııasynyń shekarasy (Ombyǵa) - 856 myń
20. Qostanaı-Reseı Federatsııasynyń shekarasy (Troıtskke) - 831 myń
21. Oral-Reseı Federatsııasynyń shekarasy (Samaraǵa) - 774 myń
22. Shý-Burylbaıtal - 707 myń
23. Qandyaǵash-Maqat - 583 myń
24. Oral-Reseı Federatsııasynyń shekarasy (Saratovqa) - 570 myń
25. Beıneý-Aqjigit (Ózbekstan shekarasy) - 163 myń 26. Úsharal-Dostyq - 101 myń
Aıta keteıik, aqyly joldardaǵy tólem jasaý erejeleri jeńildeıdi.
Jyl basynan beri aqyly joldardan 79 mlrd teńge tústi.
350 shaqyrym aqyly jol ýaqytsha tegin bolady.