Kólik vıtse-mınıstri Astana áýejaıyndaǵy jóndeý jumystaryna túsinik berdi
ASTANA. KAZINFORM — Astana áýejaıyndaǵy jóndeý jumystary beekitilgen ýaqyt aralyǵynda aıaqtalady. Bul týraly QR Kólik vıtse-mınıstri Maqsat Qalıaqparov aıtty.
Senattaǵy baspasóz máslıhatynda tilshiler Astana áýejaıyndaǵy jóndeý jumystaryna qatysty surady.
Óz kezeginde M. Qalıaqparov bul nysanǵa Abu Dhabi Ports atty jeke ınvestor kelgenin eske saldy.
«Ol álemdegi 15 áýejaıǵa ıelik etedi, halyqaralyq tájirıbesi aıtarlyqtaı joǵary. Tehnıkalyq jáne qarjylyq aýdıt jasaldy. Sodan keıin onda ushyp-qoný jolaǵyn jóndeý kerek boldy. Sondyqtan ınvestor óz qarjysy esebinen jóndep jatyr. Bul – ýaqytsha qubylys. Jaqynda jóndeý aıaqtalyp, áýejaı shtattyq rejımde jumys isteıdi. Jumys ýaqytynda aıaqtalady», - dedi vıtse-mınıstr.
Buǵan deıin Astana áýejaıynyń ushý-qoný jolaǵy qashan jóndeletini aıtylǵan edi.
Aıta keteıik, byltyr kúzde Astana halyqaralyq áýejaıy ınvestor Terminals Holding kompanııasymen birlesken jumysty bastady.
Kólik mınıstri Marat Qarabaev Astana áýejaıy nelikten BAÁ kompanııasynyń basqarýyna berilgenin túsindirdi.
