Kólik ishinde esirtki qoldanbaq bolǵan qyzylordalyq turǵyn ustaldy
TÚRKІSTAN. KAZINFORM- Qazirgi tańda kúdikti er adamǵa qatysty qylmystyq is qozǵaldy. Tergeý jumystary júrgizilip jatyr.
Oqıǵa Túrkistan qalasynyń ortalyq kósheleriniń birinde boldy. Kólik ishinde otyrǵan er adamnyń temeki retinde belgisiz shópti ázirlep jatqany beınekameraǵa túsip qalǵan. Kúdikti áreketti baıqaǵan polıtsııa qyzmetkerleri kólikti tekserý úshin jaqyn mańdaǵy polıtsııa qyzmetkerlerine baǵyt bergen. Oqıǵa ornynda tekserý júrgizgen polıtseıler júrgizýshiniń «marıhýana» esirtkisin zańsyz saqtaǵanyn anyqtady.
«Oblystyq jedel basqarý ortalyǵynyń ınspektorlary qoǵamnyń tynyshtyǵyn táýlik boıy kúzetip keledi. Beınebaqylaý kameralary arqyly qylmystyń aldyn alýda júıeli jumys istep jatyr. Máselen, beınekamera arqyly túngi ýaqytta zańmen tyıym salynǵan zatty qoldaný dereginiń jolyn kesti. Bul baǵyttaǵy jumystar jalǵasatyn bolady», - delingen Túrkistan oblysy Polıtsııa departamentiniń baspasóz qyzmeti usynǵan aqparatta.
