Kólik salyǵy: Pavlodarlyqtar memleketke 650 mln teńge qaryz

PAVLODAR. KAZINFORM - Oblys boıynsha 10 myńǵa jýyq azamat avtokólik salyǵyn tólemeı otyr. Óńirde jalpy sany 180 myńnan astam kólik quraly tirkelgen.

Jeke tulǵalar menshigindegi kólik quraldaryna ótken jyl úshin salyqty 1 sáýirden keshiktirmeı tóleýi tıis. Búginde 130 myńnan astam azamattyń atynda 180 myń kólik quraly bar. Arasynda bereshek somasyn ótemeı, qaryzdary jyldar boıy jınalyp kele jatqandar az emes.

«Kólik quraldary boıynsha boljamdy salyq somasy 2 mlrd teńgeden asady, olardyń ishinde 180 mln teńgedeı salyq somasyna 13 myń azamat jeńildikke ıe. Jyl basynan beri kólik ıeleri 71 mln teńgeden astam salyqty tólegen. Al kólik salyǵy boıynsha 10 myńǵa jýyq salyq tóleýshiniń bereshegi bar, olar jalpy somasy 650 mln teńge qaryz», - dep habarlady Pavlodar oblysy boıynsha Memlekettik kirister departamenti túsindirý jumystary basqarmasynyń bas mamany Mırgúl Majımova.

Kólik salyǵyn 1 sáýirden keshiktirip tólegende árbir kún úshin ósimpul esepteletinin umytpaǵan jón. Qaryzdy bile tura keshiktirip otyrǵan azamattarǵa Memlekettik kirister organdary salyq buıryqtaryn shyǵaryp, olardy jeke sot oryndaýshylarǵa jiberedi. Al bul mamandar bereshek somasyn májbúrlep óndirip alý amaldaryn qolǵa alady.