Kólik salasynda aýqymdy tsıfrlandyrý júrip jatyr

ASTANA. KAZINFORM — Kólik salasynda aýqymdy tsıfrlandyrý júrip jatyr. Bul týraly Kólik mınıstri Nurlan Saýranbaev aıtty.

Búgin Úkimet úıinde ótip jatqan baspasóz máslıhatynda BAQ ókilderi mınıstrden «Qazaqstan azamattary kólik salasynda aýqymdy tsıfrlandyrýdy kúte ala ma?» dep suraǵan edi.

Saýalǵa jaýap bergen mınıstr qazirdiń ózinde salany tsıfrlandyrý jumystary qarqyndy júrgizilip jatqanyn aıtty.

— Kútpeıdi, ol qazirdiń ózinde bar. Ózderińiz de sońǵy jetistikterdi kórip otyrsyzdar. Qazaqstan kóptegen parametr boıynsha alda keledi. Prezıdent taıaýda ǵana sýperkompterdi ashty. Kólik salasyna keler bolsaq, «Qazaqstan temir joly» iri kompanııanyń qatysýymen aýqymdy tsıfrlandyrýdy júzege asyryp jatyr. Menińshe, ol jaqta istelinip jatqan dúnıe bárin tań qaldyrady. Qazirgi ýaqytta «QazAvtoJol» kompanııasy da osyndaı jumys istep jatyr. Demek, aýqymdy tsıfrlandyrý júrgizilip jatyr. Bul baǵyt elimizdiń negizgi baǵyttarynyń birine kiredi, — dedi Nurlan Saýranbaev. 

Buǵan deıin elimizde ǵımarat, qurylys jáne ınjenerlik kommýnıkatsııalardy tsıfrlandyrý deńgeıi óskenin jazǵan edik.