Kólik salasyna 57 myń maman qajet – mınıstr
ASTANA. KAZINFORM – Qazaqstannyń kólik salasyna aldaǵy jyldary shamamen 57 myń maman qajet bolady. Bul týraly Kólik mınıstri Nurlan Saýranbaev Úkimet otyrysynda aıtty.
Mınıstrdiń aıtýynsha, kólik salasynda 870 myń adam jumys isteıdi. ıAǵnı, árbir onynshy adam kólik salasynda eńbek etedi.
Olardyń basym bóligi – avtomobıl jáne temirjol kóligi, jol qurylysy men logıstıka sala mamandary.
– Sońǵy jyldary kólik salasynyń damýyna baılanysty salaǵa 57 myńǵa jýyq maman qajet. Olardyń ishinde mashınıster, júrgizýshiler, tehnıkter men ınjenerler, logıstıka mamandary, ushqyshtar men avıadıspetcherler, keme kapıtandary jáne mehanıkterge suranys joǵary, – dedi Nurlan Saýranbaev.
Kólik salasyna jastardy tartý úshin bos jumys oryndaryna jármeńke ótkizý, mamandyq tańdaýǵa kómektesý, óndiristik tájirıbe ótkizý jumystary qolǵa alynǵan.
Aıta keteıik, kolledj-tehnıkýmdardyń 90 myńnan astam túlegi óz mamandyǵy boıynsha jumysqa ornalasqan.
2035 jyly elimizde 1,8 mln jumysshy mamanǵa suranys bolady.
