Kólik salasy eginniń jańa astyǵyn tolyq kólemde tasymaldaýǵa daıyn - Saýranbaev

ASTANA. KAZINFORM – Kólik salasy eginniń jańa astyǵyn tolyq kólemde tasymaldaýǵa daıyn. Bul týraly Úkimet otyrysynda Kólik mınıstri Nurlan Saýranbaev aıtty.

- Qoldanystaǵy park astyq júkterin tasymaldaý úshin jetkilikti. Mysaly, astyq tasıtyn vagondar 16 myń 300-ge jáne un tasýǵa arnalǵan jabyq vagondar sany 16 myń 500-ge jetti. Ulttyq operatorda 1 myń 700 lokomotıv bar, - dedi mınıstr.

Sonymen qatar ol memleketaralyq pýnktter astyqty joǵary deńgeıde tasymaldaýǵa daıyn ekenin aıtty.

- Ol úshin osy pýnktterde poıyzdardy ótkizý múmkindigi jetkilikti. Máselen, Ózbekstan jáne Ortalyq Azııa baǵytynda ótkizý qabileti táýligine 42 poıyzǵa, al Qytaı baǵytyna 43 poıyzǵa jetti. Reseı boıynsha 85 poıyzǵa deıin múmkindik bar. Osylaısha, eksporttaý úshin rezervter qarastyrylǵan. Memleketaralyq pýnktteriniń múmkindikteri astyqtyń jańa ónimin tasymaldaýǵa jetedi. Kólik salasy eginniń jańa astyǵyn tolyq kólemde tasymaldaýǵa daıyn, - dedi Nurlan Saýranbaev.

Bıyl boljam boıynsha 24 mln tonna astyq bastyrylady. 

Osy rette Premer-mınıstr astyqty egis alqabynan tıisti jerine deıin jetkizýdi joǵary deńgeıde uıymdastyrýdy tapsyrdy.