Kólik prokýratýrasy Qazaqstandaǵy áýe qatynasynyń qaýipsizdigine alańdap otyr

ASTANA. KAZINFORM — Bas kólik prokýratýrasy Qazaqstandaǵy áýe saparlarynyń qaýipsizdigine taldaý júrgizip jatqanyn málim etti.

— Bas kólik prokýratýrasy Qazaqstandaǵy ushýlardyń (áýe saparlarynyń) qaýipsizdigine taldaý júrgizip jatyr. Osy jumys aıasynda Kólik mınıstrligine tıisti saýal jiberildi. Alaıda ol saýaldardyń bir bóligine tolyq ári tıisti deńgeıde jaýap túsken joq. Ol jaýap ahýaldy obektıvti baǵalaý úshin kerek bolatyn, — dep jazady quzyrly organnyń baspasóz qyzmeti.

Resmı málimet boıynsha Bas kólik prokýratýrasy 30 shildede mınıstrlikke qaıta saýal joldaǵan.

— Bul jerde saýal aqparattyq-túsindirý sıpatta ekenin, laýazymdy tulǵalardyń jaýapkershili týraly máselelerdi qamtymaǵanyn aıtý kerek.

Qyzmettegi qajettilik aıasynda tıisti baǵyttarǵa jetekshilik etetin basqarýshy qyzmetkerlerdiń laýazymdyq nusqaýlyqtary suratyldy. Mınıstrdiń laýazymdyq mindetterimen baılanysty aqparat suratqan joqpyz, — dep jazylǵan resmı málimette.

Aıta keteıik, keshe Kólik mınıstri Nurlan Saýranbaev Úkimet úıindegi baspasóz máslıhatynda «Qazaeronavıgatsııa» sharýashylyq júrgizý quqyǵyndaǵy respýblıkalyq memlekettik kásiporny basshysy keńesshisiniń ústinen tekserý júrip jatqanyn málim etti.