Kólik mınıstrliginde Otan qorǵaýshylar kúnine oraı sala qyzmetkerleri marapattaldy
ASTANA. KAZINFORM — Otan qorǵaýshylar kúni qarsańynda Qazaqstan Respýblıkasy Kólik mınıstrliginde kólik salasynyń damýyna eleýli úles qosqan mamandar qurmetke ıe boldy.
Mınıstrliktiń baspasóz qyzmeti taratqan aqparatqa sáıkes saltanatty rásim barysynda sala qyzmetkerleri men ozyq mamandarǵa «Úzdik avtokólikshi» jáne «Úzdik jolshy» tósbelgileri, sondaı-aq Qurmet gramotalary tabystaldy.
— Marapattar kópjyldyq kásibı sheberligi, adal eńbegi, kólik ınfraqurylymyn damytýǵa qosqan mańyzdy úlesi, sondaı-aq joǵary nátıjeleri men belsendi kásibı qyzmeti úshin berildi, — delingen habarlamada.
Osyǵan deıin búgin Aqordada Otan qorǵaýshy kúnine oraı merekelik is-shara ótetinin jazdyq.
